BƏ VƏHİŞT BƏŞE

Dorozə maxolon so dərıtedə, Bəştı bə maxolon az ğıbon bəşem. Iştı siyo çəşon dılon patedə, Bəştı çəşi qılon az ğıbon bəşem. Ha şəv boy bə çımı han, xosə kinə, Bıdə ıştı sədə az bıbum şonə, Dard mədə tı bəmı, bıdə nımardım, Sutedə bətıro çımı ın sinə. Çənə conım xəşe, ıştı ğıbonim, Iştı sə lıputon bomıro şone. Marde bomı rəvo məzın, ha kinə, Betı mande bomı mardesə qone. İnson i ruj bome, i rujən bəşe. Kardə qınon cəzo əyo bəkəşe. Boy mıni şo bıkə, vəşti bıvindim. Ki dılon şo bıko, bə vəhişt bəşe.