AZ BOTI PƏŞİ QƏTDƏM
Toyki bey zəmin-osmon,
Iştəni rə bırosnon.
Jəydəm az bəştə tonon,
De arsi çəşi qətdəm,
Az botı pəşi qətdəm.
Qəce bəv, hındılə çəş,
De ərşi bə bəhs beşəş?
Anə bəy doydəş oxşəş,
Dast ğandəm, həşi qətdəm,
Az botı pəşi qətdəm.
Çımı tono omedəş,
Mıni vindəş, bəmedəş.
Ço diyəro çamedəm?
Hiç mətars, kəşi qətdəm,
Az botı pəşi qətdəm.
Elmasim, cəfom kəşəy,
Dılım eşğiku vəşəy,
Lıputı honi çəşe?
Vindyədə təşi qətdəm,
Az botı pəşi qətdəm.
Mənbələr
Talış poeziyası antologiyası (2021), 208–209. ISBN 978-9952-28-569-7.