DILIM BO MƏKTƏBİ TƏVDƏ

Nəv zovə be de nəv kinə, Haruj dərsbe çəmə binə. Handımone jıqo həşt sor, Ta handimon çaş əji tor. Çəmə məktəb “institutbe”, Əbəmimon səyədə “se”. Muəllimon alimonbin, Ha hes-bəhson ğalibonbin. Kıve, kıve çəmə məktəb? Əvbe çəmə orzu, mətləb. Əy omute bəmə hərif, Bəy loyiğe har cur tarif. Yodo hiç vaxt əv beəşıni, Çəy ruşnə hiç vaxt eəşıni. Ha omyədə bə çaşim və Dılım vey vaxt hejo təvə. Ələkbərim, bandon zovəm, Az bo eli həşi şuam. Beməktəb az çand ro ku bəm, Obə vey vaxt yarə kobəm.