BƏ XIDO DARD BIVOT, ƏV KOMƏQ BƏBE

Çiç bedə, har dardi vote zındəniş, Vey çi vinde pidə, boçi vindəniş? Çoke nəfəs kəşdəş, hələ qin bəniş, Bə Xıdo dard bıvot, Əv koməq bəbe. Çokə ruj insoni çokən bəkarde, Sardı bıbo ıştı, veən takarde, Hiç bəvecə məkə, bətı obəqarde, Bə Xıdo dard bıvot, Əv koməq bəbe. Noz zındəniş əqəm, nozi məkə tı, Şəytoni boştəno rozi məkə tı, Tovsoni har koni pozi məkə tı, Bə Xıdo dard bıvot, Əv koməq bəbe. Ku məbı tı, dınyo dı çəşi diəkə, Hiçkəsi ın dınyoədə çəşi ku məkə, Kəfşəndə səfı kay, oqardiş bə kə, Bə Xıdo dard bıvot, Əv koməq bəbe. Dılı təmiz bıbo, çırkinən bıboş, Kosibən tı bıboş, ərbobən nıboş, Dıkəsən mıhtoce bə Xıdo ımruj, Bə Xıdo dard bıvot, Əv koməq bəbe. Har ruj çətinən bıbo, bovot nımoji, Boy, ıştən siyo məkə tı ıştə ruji, Tı dıl bıdə bə Xıdo, Xıdoyo bıji, Bə Xıdo dard bıvot, Əv koməq bəbe.