ÇAND RUJE VOŞ VOYEDƏ

Gasdbu çımısə yole , ğasdbu çımısə ruke, Çand sinnış hıstebu ım piə bıə peymoni ? Sorone şeironədə bə dəftəron ovıştə , Dılonədə,çəşondə nokom,nimə peymoni . Sardonə kəy pencəku lolin ıştı xəyolon , Ha damə-dimi kardəm , becəvobe parseyım , Az tıni gin kardeku ətarsim , zındəbim ki , İ ruj bəçımıən sə bomey çımı tarseyım . Har çi pidəbe barde , həni çiç pidə oxo , Ha mıni çımı kəyku didərgin kardə odəm , Betı jeşem nımande , bəruj mıku diyəro , Bəşəv bə xatiron bə dumo oqardə odəm ?! Har co şedəmbu tıni deştə şıkırniyedəm , Dardiku tase-tase dardi – dılən kardəmon... ...Çand ruje voş voyedə , hiç nıbo de xəyolon Kuçonədə bo nəve doydəni ki , sard əmon ...