Vaxt əbi, az dəbəvi con əməsim, con əvotim…

Vaxt əbi, az dəbəvi con əməsim, con əvotim, «Jıqo xoşbəxt əbıni hiç qıləy inson» – əvotim. Fik nəkəym hiç, bəviko, vaxt boməy, az co bəbem, «Dəbəvardey, nibəqın hiç bəmə hicron»- əvotim. Isə vironə çiəydə bə çımı çəş dınyo, Bəvədə leyk bə vironə vılıston əvotim. Çımı əhvolədə dınyo peəçın vindəni hiç, Bəştə əncəx bəvədə aləmi sılton əvotim. Çımı əfğoniko bizo bə, ey Azər, bılbıl, Naştın əy vindeyəsə az bəvi nolon əvotim.