Ha dıl, bəsəy tı har omə dardi, bəlo məzın …

Ha dıl, bəsəy tı har omə dardi, bəlo məzın . Hiç, aşiğon bedard məzın, bibəlo məzın. Tı tov biyə, durum bəhə, yar har cəfo bəkay, Dilbər çanəy reçin bıbo əy bicəfo məzın. In, eşği roy ki, hıste, qətə, çəyku hiç məqard, Vey sığ bəqınye bəşdı poçə əy ğəzo məzın. Çandə bısutno hicroni otəş, bısut tınən, Sutne, otəşvon adəte, eşği cəzo məzın. Askon ru kardıme, dıyo be, yari dardiku, Kaspi, çiçey əçəy tono, Kaspi, dıyo məzın. Yari co karde aşığiku, conkənış bəkan, Astə de pusti yəndıku, boylim tı, co məzın. Har, roy dəvardə məsti, tı aşığ hisob məkə, Har handəvon, ğıbon bətı, Məllo Pəno məzın. Çandə xəton bıkoş, Xıdo baxşəydə, rəhmine, Şah bikərəm nəbə, nokəən bixəto məzın. Bandıj, İmom Huseyni yod bıkə, bısut dıli, Har aşıği Husen, ha vırəy Kərbəlo məzın.