HƏŞİ PEMEƏDƏ

Maşdə həşi pemədə, Co mənzərə o bedə. Kaspi dıyo ovədə Həşi bə ranq omedə. Bandi sədə mandəmon, Bə Kaspi şo kardəmon. Ranqbəranqi dılədə Işdə Yurdi vindəmon. Solom, xosə maholon, Ve xoşe çəmə halon. Xıdoku və rozimon Bimon Toloşə balon. Yurdi odəmon əşdən, Ko karde bə ro beşdən. Mərd Tolışon diyordə Holol zəhməti kəşdən. Bılbılon cəh-cəh jedən, «Ha lolo!» devrə şedən. Mərdə, zumandə balon Bo yari ovi beşdən. Çımı yarən oğ bedə, Sinəmdə dıl doğ bedə. Çəmə peymoni vırə Bılbıl handə boğ bedə.