ZƏFƏRNOMƏ

Çəş kardəbimon sori, Ve vaxtiku ım sori. Bəmə mıjdə omeye Dı həzo visnə sori. İ ruji sentyabıri Sə kardmone dır-dıri, Çəmə roədə beşən Opıtmon kımtə-bıri. Çılı ço ruj sərasər, Bə əsri be bərabər. Ancemone deşmoni, Əmə bimon bəradər. Tırkon, toloşə balon Bə ikkərə i əşdin. «Bıjən! Bıjən!» eqene, Jemone osnə mışdi! Semone ve şəhəron, Ozod be çəmə vıron. Kofir kardəşe viron, Mandə ni iqlə dıron. Tarexədə şah əsər, Ğəşəngə Şuşa şəhər, Noyabıri həşdiku Şo kardeşe bə Zəfər!.. Deşmon mardə, con haydə, Noyabri manqi dadə «Ağ bayrağı» rost kardə, Təslim be nişon dodə!.. Zəfərnamə sənəde, Bə dınyo ibrət bıbuy! Çəmə sə ve barzə be, Bəməku ğıryət bıbuy! Çəşon ruşon, ha tırkon, Toloşon, ləzgon, taton, Əmə vıtmone con-con, Ozod be Azərbaycan!