Vəse, ənə otəş məjən boy bəmı…
Vəse, ənə otəş məjən boy bəmı,
Az osın nim, hiç sığən nim, odəmim.
Çəşim vində, quş məsedə, dıl jəydə,
Hiç vaxt həxi bə nohəxi doydənim.
Çoki kardəm bəştə qıymət doə kəsi,
Eğandənim hiç kəsi ko həvəsi,
Ğarzım zındə çı Xıdo doə nəfəsi,
Dı bevəci, nomerdəti arəm ni.
Ki mərd bəbe, bəçe qarşı ve mərdim,
Pəxılınro, nomredonro az dardim.
Ve sınağu, imtəhanu dəvardim,
Hiç vaxt, hiç ki az bevəci kardənim.
Mənbələr
Talış poeziyası antologiyası (2021), 238. ISBN 978-9952-28-569-7.