ZIVON

Bezıvon dınyoədə besəy, yəvone. Tolış çımı şinə nənə zıvone. Qədime, çəy şinbe zındəni ve kəs, Çanə ğədim bıbu, anə cıvone. Xıdo bə tolışon vəy ço qətəşe, Deştə reçinəti əy po qətəşe. De zuy, de ağıli, de conbozəti Tolışi tarixo nom oqətəşe. Zıvone har milləti bə dınyo bekə, Əve bə avlodon dıli nur ekə. Əvəz nıbə sovğat, Xıdo baxşəy əv, Zıvone xəlğiro ruşnə-ço pekə. Bəjiey, bəşe bəpe dıl ojə zıvon, Bağande bə har ton rəğ-rişə zıvon. Ebarde əzıni əy yolə “moyon” - Bə nome dınyoədə tolışə zıvon!