MARDE HESTE, QARDE Nİ

Məmand ənə tanqədə, Mətas zılmi çanqədə. Bo həxero canqədə, Quzəşt- fılon karde ni, Marde heste, qarde ni. Kərbəloku məsəmbe, Çiçon nıbe- bə səm be. Çe Huseyni ğəsəm be: Sıvo mınon dardı ni? Marde heste, qarde ni. Bə fik məşi dardiku, Bo ğələbə vardeku. Davard həxe pardiku, Co ovaştə pardı ni, Marde heste, qarde ni. Milləti umu siə ni. Hiçki çəy zuy əzıni. Toğ bəbe həx əsıni, Çəy zəhmiku sardı ni? Marde heste, qarde ni. Vey zumandə dastəmon, Bəştə mətləb rəstəmon. Ğərəboği bəstemon, Ta bə ruji marde ni! Marde heste, qarde ni.