BOY BEŞİ

Həvo sarde, tınən diəroş çımıku, Çəşım ışdı roədə mandə, boy beşi. Gibəkulim, dardbədılim, a zolom, Sədo kardəm tıni çandə... boy beşi. Be tı dılım çiçon kəşdə, zondəniş, Çanə nəmon nıvışdəme, handəniş... Tıni piyə bı aşığe vinədiş Hicron ıştə sığe ğandə? boy beşi... Vilon həmə zizə kardə boğədə, Şəmomonən mandin ənə təğədə, Xeyli vaxte İlkin ışdı eşğədə Bılbıl bıə boto handə, boy beşi.