TINİ ÇAŞKARDE-ÇAŞKARDE

Ha ruj omdə dardisə dard, Çəmə ım eşğ çoy ənə sard? Ranqım vitə, bəm sıpi-zar, Tıni çaşkarde, çaşkarde. Orəxdə dıli kırışnə, Hicroni mı sütə, voşnə, Kam bedə çı çaşi ruşnə, Tıni çaşkarde, çaşkarde. Betı hiçi obdəni vıl, Handəni ə şinə bılbıl, Petovdəni bə dardi dıl, Tıni çaşkarde, çaşkarde. Dəvardə vədəku çan sor, Iştı nıbe bə siyo mor, Ətır doydəni əvəsor. Tıni çaşkarde, çaşkarde. Çaşi moldəm dı şəy cüci, Omdəni bə hiçki veci, Həni bızın ov bə Məci, Tıni çaşkarde, çaşkarde.