BƏ ANCƏQƏV BOY

Odoəşe ıştə peşt bə Safəduli, İyo sədo kardə bılbıl bılbıli, Bo havzə çiməni, ətrinə vıli Pəvuşi qətəbo, bə Ancəqəv boy. İyo yolyəti hest, əğıləti ni, Çı koyku tarse ni, dəğıləti ni, İyo kut qəpjəy ni, pəxeləti ni, Çımı əzizə bo, bə Ancəqəv boy. Bib doydə toğədə hey zardi-zardi, Eşand ıştə tano şəhəri qardi, Bekə ıştə yodo xıvəti, dardi Məkə bə dıli bo, bə Ancəqəv boy. Sütmi boğ çı yurdi bəzəqe, reçe, Dı çaşi nıvindoş nibəneş çiçe, Jo bızın çı vəşti pentoni kıçe, Noz -nemət vindero, bə Ancəqəv boy. Kəşdən çəy ğıyrəti çı yurdi soybon, İnsonon i yədı edoydən aybon, Oje bo ğonəği har kədə kəybon, Beşi, dəqın bə ro, bə Ancəqəv boy.