TOLIŞƏ KİNƏ

Ağlı ağlisə ziyod, Çaşı çaşisə reçin. Nomı bənə ovi – pok, Dimı şəvisə reçin. Mijon şəvisə siyo, Arsı voşisə ruşin. Dınyo çanə reçin hest, Həməysə bəşə kinə, Tı əy, Tolışə kinə. Çı reçinon dılədə Həməysə bəsə barzi. Boəmə Xıdo nemət, Tı çı xəlqi səbarzi. Ki tınış bə dınyo vay? Nibəbe doy çəy ğarzi. Bənəy həşi, astovə Şəvı-ruj vəsə kinə, Tı əy, Tolışə kinə. Iştı dardon qırdəbən Bəsə çımı kulisə. Bınə tı ıştə dasti Isə çımı dılisə. Tı bomıro ziyodiş vənəşəsə, vılisə. Lap bənə əvəsori Hejo dəvəşə kinə, Tı əy, Tolışə kinə.