TƏMSİL

İ ruj kıtı bə morə Vote:-Boy dus bıbəmon. Con bıvot-bıməsəmon, Yəndı səy pus bıbəmon. Morə vote:-Ha pəxıl, Məzın tı mıni əğıl. Çəmə yolə boə Muşi Bətış bovə kardəni. Qasbu əçey çan qılə Muşə balə hardəni? Əçey tosnyə suk, verə, Kijə balə hardəni? Konco çiçım bekırniye, Kiyku çiçım dətırniye. Çımıku bəy ıştıney, Iştıku bəy çımıney. Əqınim bətı həni, Az dusim detı həni. İnson ıştən hut mande, Şey bə fikir, mot mande. Qıley vizi toy morə Kıtış haşde bə mırə. Zınışe ıştə xəto, Səş enomnye, şe Kıtı. Çımı vırə rohəte. Otəşən vəşdə, tate. Jidəm insonon kədə, Nışdəm nunə lokədə. Hardedəm nuni, bırzi. Xırvondəm ğənd-irizi. Az dəşidəm bə ordə, Bə qandımi, bə ordə. Beşi bışi, ha Kıtı. Bedənim dus az detı.