SOR ESƏT

Bevəc omeydə sorisə sor esət! Mıv hardəkəs , hardedəniş şor esət! Bə hışq qınyə həni çəmə sel, Mırdov, Çı bəloku bə ərş beşə çolon ov. Im ki karde? Bınışdəmon bəçəy lov! Çə vaxti səhvon omeydən zor esət, Bevəc omeydə sorisə sor esət! Çı vişə i lınq çəmə diədəbe, Xəy-bərəkət dizədəbe, kiədəbe. Moyon-mıvon həmmə çəmə seədəbe, Keş ki bəbəy çə soron noşkor esət, Bevəc omeydə sorisə sor esət! Peşə polo, qumuşə most- mələğə, Bə yod dənə tı jəy oxo bəy ləğə! Dəvoə bırzi patə ıştı dıl- cəğə, Çəşon ku bən, quşonən bən kor esət, Bevəc omeydə sorisə sor esət! Heyf çə rujon, məzə əbi, tuk əbi, Bədə yaron dəçəy zəle çok əbi. Əyən bızın, ıştı xunən pok əbi ! İnfarkt, iflic oqardə bə mor esət, Bevəc omeydə sorisə sor esət!