ODƏMİM

Dınyoədə çiç binoye hədəri, Jəqo şenko qırd dast kəşə odəmim. Ha orzunə pok, təmizim, jəviro, Bə təmizə dılon dəşə odəmim. Bandonədə ker keri dust, bandi dust, Fandonədə ən lozimə fandi dust, Andonədə otəşi dust, ando dust, Boğçanədə vıl-vənəşə odəmim. Sıvol ədə sıvolinə beşe kol, Kol bey qorə becəvob mand ve sıvol. Bə do peşi, vişə beşi bepaqol, Biə çəşman, kavuə vişə odəmim. Sıği-reği bəpi tojə ləl bıkəm, Yavə qəvon kılid bınəm, lol bıkəm, Har mışkuli ıştən bəpi həl bıkəm, Dədə-nənə beyko beşə odəmim. Bıdə har şe, nə ve, nəən kam bıdə, Ğədərədə, bə ğanuni çəm bıdə, Umr bıdə, davlət bıdə, təm bıdə, Ne məvot ha! Az syoçəşə odəmim. Isət zınə çiki, çandi odəmim? Burzıbandom, barzəbandi odəmim.