IŞTINE

Əzroil ebəvay şımşi bə pusti, Çəxtə rəy, co bıkə dışmeno dusti. Qımoni mivəye har qılə rosti. Qiravə ıştıne, əmon ıştıne. Vicdono mardəkəs ğıyrəto lole, Nəfsi nokə əbı ağibət çole, Ziyodə zər-zibo şəytoni mole, İbodət ıştıne, imon ıştıne. Zımıston qin bedə, çimən okardə, Şəvon rujən bedən, həşi oqardə, İ dəğə dılədə dınyo dəqardə, Fik məkə həmişə zəmon ıştıne. Çı Xıdo fərmoni vardedə təbım, Tı nodon nəbəniş, peğombər əbim. Vicdonon təbibim, rufon təbibim, Pərvizi nıvıştə damon ıştıne.