TOLIŞE
Bıdə şəkəs cıvon nışo,
Çı dılikoş imon nışo,
Bə hiçki quş qıvon nışo,
Nənə zıvonım Tolışe.
Yolə çılə, rukə çılə,
Kul-çoşanbən çoqlə xolə.
Başmardom az qılə-qılə,
Sori semonım Tolışe.
Ay bəmı bıhton votəkəs,
Im votəyon tınən bıməs.
Rəğədəm xun, kəşə nəfəs,
Çımı jimonım Tolışe.
Iştə eldə qardedəm az,
Ləl-cəvohir vardedəm az.
Zıvon nıbo mardedəm az,
Dardon damonım Tolışe.
المصادر
مختارات من الشعر الطالشي (2021), 192. ISBN 978-9952-28-569-7.