Dıl nozoke,həm tənık,boy,çe mıku rık məkə…

Dıl nozoke,həm tənık,boy,çe mıku rık məkə, Rık əkənim bəştı rık,boy çe mıku rık məkə. Qenc məkə diən bomı,az,ebabam çiç vote, Ta bıbuş ıştən sıvık,boy çe mıku rık məkə. Zındənim az qa boçi çəp ome qəpmon çəmə, Qa sıxanon tık bə tık,boy çemıku rık məkə. Vanq bekəş bılbıliş,mandə bə şoron sə-tan, Tan siyo,sipyə çıtık,boy çe mıku rık məkə. Damedə vey-vey bətı çiç bəbe lısqəy bısır, Dim bedə ıştı dəpık,boy çe mıku rık məkə. Qim məkə ın Xilqəti,əv bətı vey aşığe, Votdə; bəmı çok dəçık,boy çe mıku rık məkə.