In eşğımon ki, səyku bə po darde, çiç bıkəm…

In eşğımon ki, səyku bə po darde, çiç bıkəm, Qa sutdəm az de tı, be tı qa sarde,çiç bıkəm. Hanım bə latə qınyə, bə osmon dəkandə be, In coni zındənim botı asparde, çiç bıkəm. Ahım ə roy dərıtdə, də roy navqo şəş- oməş, Lınqon rizonsə vindəm ısət qarde, çiç bıkəm. Əğrəb dıdasi dəçke çe şəv-ruji dovnəku, Şəv-ruj nımande şe, tınışən barde, çiç bıkəm. Az lıskə-lıskə ni bıbumən tov bəvam, betı, Conım bə ğıç qəte, dılımən harde, çiç bıkəm. Votme ki, bəştı qırdo kəno hiç əqardınim, Iştən nıqardımən,çəşonım qarde,çiç bıkəm. Xilqət bımardo deştı ğəmon, marde ım ni ki, Bəvdə bəmarde əv,bıvotış,»marde,çiç bıkəm.»