Doğış karde çı zulmi çəşış ğoymış epışte…

Doğış karde çı zulmi çəşış ğoymış epışte, Bəməş əy nuşu karde ki, ım dınyo i mışte. Vey şahon məse çəy nom, ğərolşon nıbe larzin, Çı taxtonkuş eğande, əmmo bə taxt nınışte. Sıxan əy bino karde, əyən ki, noşe noxtə, Nə peş əy vote zındən, nə məsdən, nə nıvışte. Sığonşon “Xıdo” karde, dılon sığ bin , oson bin, De ıştə Xıdo coyli çanəndəş “Xıdo” kışte. De anqıştəş əy ance dey osmondə bə Ovşum, Nə ıştən şe bə osmon, nə Ovşum bə ji nışte. Tı Peyğəmbəri, Xılqət, anəndə bıkə tarif Ki, bıvton: ə kəxobi vırəş təyli nıhaşte.