Dey tobə marde zındə əv, əv çımıne, azən çəyim…

Dey tobə marde zındə əv, əv çımıne, azən çəyim, Şoyde ə çəş, ə xol, ə bəv, əv çımıne, azən çəyim. Az, bəyim aşıq əv bəmı, ıştı ki çəş peqətdəni, Doğ bıbi ha bısut, bıtəv, əv çımıne, azən çəyim. Şək əbənim bəçəy vəfo, ıştə sıxandə ğoyme əv, Votdəmonən bə ruj bə şəv, əv çımıne, azən çəyim. Cər bəjemon bə aləmi, zu bəsemon i yəndıku , Dəy bədomon ha qəvbəqəv «əv çımıne, azən çəyim. Həsrətiku tı yarəjəş, Xilqət ımım mınən zınə, Əv bətı votdə boy məxəv, əv çımıne, azən çəyim.