ZINDƏNİ

Vay bıbu bə kəsi ruji, dınyodə Kome, komonədəy, kiye zındəni. Həmməysə barzədə, həməysə zıbud, Əncəx çəşonədə çiye zındəni. Çı dıli dardon band, arsonən honi, Əve tovəvə bı dardi qıvoni. Iştə dədə yurdi, moə zıvoni, Xunış pok nıbəkəs piye zındəni. Oməkəs tarixış dərıtə bardə, Sığən bı nohəxi əlhəzə kardə. Odəm qırdo tıbon xunsiyo qardə, Kom kujəy, iyo, kom diye zındəni. Həftoğiəkəşi dılıj hıl-hıle, Jo bızın dastıqir bıə bılbıle. Bı xoki, bı bumi conıj anqıle, Tolış besərzəmin jiye zındəni. Xəlx çı royku beşə, vitedə dino, Bə eynıj omdəni nə vəşt, nə fino. Baləku rə kardən moon əbino, Hırdən moə şıti diye zındəni. Isə har ko nimə-nimancul şedə, Bə osyo doni co qer-qulul şedə. Şəyton sə peğətdə qıybəkul şedə, Mot mandə, votdə çı çiye, zındəni. Mirfəyaz, çı xose ki, çokon hestin, Kamişəyən bıbu, sof-pokon hestin. Orzu doon jəbə ve lokon hestin, Umi livə xıçə siye zındəni.