PETOVDƏNİ DARDI-DILIM

Harınəti tobə xırtə, Behəxəti roon qətdə. Nıvotoşən dıli sutdə, Çoko bə qəv varde, dılım, Petovdəni dardı-dılım. Çı bisyati, çı məsələ, Bo həxiro basdən tələ. Aspo be har kəy-kəjələ, Boçi bətı sarde, dılım, Petovdəni dardı-dılım. Rostə sıxan vote bəbe, Nomerdonən nıştən bə pe. Quş məsdəni, votə qəpi Dardon deştə barde, dılım, Petovdəni dardı-dılım. Çı zəmonə dimış qardə, Nohəxi bə “həx” peqardə. Dınyo həmi, ov ve bardə. Fikri tınış hardə, dılım, Petovdəni dardı-dılım. Həni nez bə marde ıştı, Çanə veye dardı ıştı, Votdəm, boçi sarde ıştı, Əcəl oməy qarde, dılım, Petovdəni dardı-dılım. Dard omedə dardi səpe, Iştən boştəro bə qəpe. Çoknəye ım, çoknə bəbe? Tarsdəm, berdəm marde dılım, Petovdəni dardı-dılım. Perzə, vəse məkəş nolə, Im çiçe ki, komrəy hələ? Dardon boştə karde şələ. Peşı votdəş, qarde dılım, Petovdəni dardı-dılım.