HESTE

Bandı-kuy bəkardem səy jiyədə az balış, Bəhıtem sığon səpe, bəkam sıği nazbalış. Xunım tolışə xune, qəp jə zıvonım tolış, Bəştə xalqi, milləti çımı ve hurmət heste. Odəm bəpe rost bıkə ıştə xalqi peyədə, Erxoc bedə bəvədə, ıştə xalqi jəyədə. Çı ovəyzi zu heste mərdə xalqi zuyədə, Çımı millət ve mərde, bəvədə ğıryət heste. Nopok bə bərk eqıne, rə çımıkuş vanq karde, Qa koğəzış vığande, qa bəmınış zanq karde, Çımı xalqikuş zu səy, omutışe canq karde, Çı xalqi Həzi* heste, Əğəcon**, Səməd* * * heste, Bı jıqo ğıryətmandon tolışon zəhmət heste, Dılədəm bəştə xalqi çımı ve hurmət heste.