TARSİKO

Noduzon duz bеdәn, duzon qardеdәn, Sıxan bardәkәson sıxan vardеdәn. Bә zulmi tabеmon, hukm kardеdәn, Mәcbur pеqәtdәmon şәlә tarsiko. Co kay zındәnimon şәytoni cıno, Jәyәdә jәydәmon tәvә doy bıno. Dе çәşi vindәmon nomеrdi qıno, Votе zındәnimon çolә tarsiko. Rıvoson dе hiylә sә еpotеdәn, Vaqon şini-şini sıpә patеdәn. Zandәqo bә balә “bе rә” votеdә, Damә bе zındәni kәlә tarsiko. Şıti dim sipiyе, xomә zardranqе, Most çәş kardеdә ha, niyә bә vanqе! Most bәsә ruyәni dе duy bә canqе, Dılış qıppә kardә sәlә tarsiko. In dardon vindеdәm, dılım tәvеdә, Mәvotәn dard kәşе bomı rәvyеdә. Morә kәno hardә, kәno nәvеdә, Nеz omе zındәni tәlә tarsiko. Maisәn vе bandon, tәpon zınеdә, Sәrhәdon zınеdә, çәpon zınеdә. Vе sırron, sıxanon, qәpon zınеdә, Oşko kardеdәni hәlә tarsiko.