PİDƏ

Honiyədəm vinde zinə, Çımı çaş mande bə kinə. Otəşış jəy bəçmı sinə, Ə kinə çiç kardeş pidə? Dimiş vəşdə bənəy həşi, Sutdə mıni, qətdəm təşi. Bəmı jəydə ve otəşi, Ə kinə çiç kardeş pidə? Dardi doydə dardi səpe, Xıdo şoyde, vində bə pe. Deştə firişton bə qəpe, Ə kinə çiç kardeş pidə? Bə astovə şər ğandedə, Çı Ovşımi səmandedə, Bə Həşi məydon handedə, Ə kinə çiç kardeş pidə? Mınış vinde kəno vite, Çımı dumo məvo—vote. Qıləy bəmı ,,ha» votdəni, Mais, mandəm sute-sute, Ə kinə çiç kardeş pidə??