ƏMƏ NOHƏX ZINDƏNİMON

Çəmə xon toloşi xone, Əmə nohəğ zındənimon, Həx vıtdəmon həx vindəmon, Bə zəyifon qındənimon. Əmə nohəx zındənimon. Tifanqımon kədə bədə, Tapancəmon vədə bədə, Çəmə kolo sədə bədə, Əmə quşvə dəndənimon. Çəmə xon toloşi xone, Əmə nohəx zındənimon. Jeni merdi həm əğıli, Niyyətışon bənə vıli, Çəşımon ni varri puli, Bə kosibon ğandənimon. Çəmə xon toloşə xone, Əmə nohəx zındənimon. Çiçmon bədə əy hardəmon, Həlol nun bəkə vardəmon, Na şəkəsi barz kardəmon, Ninqi jitoni kandənimon. Çəmə xon toloşi xone, Əmə nohəx zındənimon. Kosib kosibi roədə, Tunuku bədə har koədə, Pul bəkəsi qırdoədə, Bənə muşi mandənimon. Çəmə xon toloşi xone, Əmə nohəx zındənimon. Bə şəvnəy telvizorədə, Hıtddən əşdən xor-xorədə, Vıtddən duz bəbə har sorədə, Duz bədəni vindənimon. Çəmə xon toloşi xone, Əmə nohəx zındənimon. Du nınq şoddə poyodəni, Çıl rujisə davardəni, Kovrəku xon omodəni, Əvrəy pəskandənimon. Çəmə xon toloşi xone, Əmə nohəx zındənimon. Tarixədə dardmon bəni, Zınəkəs zındə əməni, Xıdoku tarsıdəmon həni, Həç kəsi pəmandənimon. Çəmə xon toloşi xone, Əmə nohəx zındənimon.