YA RƏBB, BƏMI HƏLOL BIKƏ

Iştə dıli məhəbbəti, In dınyo dəçe sərvəti, Bolə ruzi bərəkəti, Ya Rəbb bəmı həlol bıkə! Doə bəmə ruh doə bəmə con, Kardə rohət çəmə jimon, Zəmin osmon şəv ruj səhmon- Ya Rəbb bəmə həlol bıkə! Iştdıe Mürsəl peyğəmbəron, Sirrinə muqəddəs Gıron, Nurə ayon vılə suron, Ya Rəbb bəmı həlol bıkə! Torixədəy pokə nomon, Məhəmməd çordə məsumon, Əvon kəşə həzo zulmon, Ya Rəbb bəmə həlol bıkə! Har Dınyoədə hıste zəhmət, Umur şine dodə ləzzət, Bə İzzəti tı doə ğıvvət- Ya Rəbb bəmə həlol bıkə!