BƏDOM KƏŞİ

Jıqo sardon məbi, diyəro məşi, Zəmini sard bəje, benışo həşi. Iştıku şedəbim çe vılon ətrof, In dınyo vindəbim de ıştı çəşi. Vaxt bomıno mande, şəv sə bedəni, Bo navinnə rujon qətəme pəşi. Be tı az Məcnunim sərsəri bıəm, Eqıniyəm bə səhron, sutedəm təşi. Tı votdəş: coəti boto dərs bıbuy, Durımım nıdoe, həni boy beşi. Az zındəm çe umri pozi jidəmon, De eşqe jə dılım zındəni yaşi. Oşqoye, mı ıştı xotom ve pidə, Tı nanqıri bıpiyo, az bədom kəşi. Dərya dıli boxçə tı sıə vıliş, Conoş bətıkuye, çiç kardə ləşi.