ƏĞILON

Ha əğılon, əğılon, Çəmə şinə noğulon. Obedon bənə vıli, Şo kardon çəmə dıli. Çe ğəşənq, çe şinişon? Anqivinə şonişon! Zoə, kinə- iyon bəmə, Şinə conişon çəmə. Rujbəruj yol bedəyon, Ha ruj bə dərs şedəyon. Kəşədə dəftər-kitob, Nıvoşdon, jəydon hisob. Umutedon vey zıvon, Marağon heste bəvon: Urusi, tırki, farsi... Əzbər votedon dərsi... Ha jıqo, elm ehandən, Bınıvışdən, bahandən! Orzuon peşu dılədə, Səbarz bıbən elədə!