BETI

Çaşon siyo, bəvon dıqoz, peşt nozık, Muəxolon dı zəmini tıkbətık, Dı reçi tı ve zoonı kay həlok, Iştı ğıbon bıbo kırınqo, bılbıl. Ruşnə doydəş bənə ovşımi, həşi, İnsofkə i kərə çəmə kə dəşi, Lovəm karde, zolım, oməğət, məşi, Bet tanqe bəmı kə, kəvşən, məhol. Çiç bıkəm, çiç botom diyəkəş bəmı? Çiçkəm, ki bıvğandom «ha» botoş bəmı? Hiç rəftor kardedəş, beinsof, dımı, İ kərə ehsonkə qıləy xoş əfol. Zardəbığı jə bə halon səfe kay, Boçi əzozil bəş, çiçım bətı kay? Bə cokəsi dıl doy xıdomənıka, Bə həşə məjən, oşkokə məvol.