JIQOBE JİMON

Bandi bınәdә mandәbe kә, Jidәbe әyo yonzә balә, Çe kә tono çol, vәdә kәlә, Zandәgo-pәs, pur mol-mәlә. Maştә-maştәvo tatә şıti, Peşomedәbin yolı-ruki. Vәşә tәnyuku şıtә nuni, Bekardәbin bә sufrә dimi. Kәy peştәdәye çe dәdә boğ, Hәlolә zәһmәt, deşmeni doğ. Sef, һulә, angı pure iyo, Kenә vәşiye bıçın çәyo. Be ko kәdә һiçi әbıni, Kıvolәti bәba bә bıni. Hozo bıbi bo zımıstoni, Tolış ko әkәy de zәmini. Oәgәtin angivinә şon, Kagon әnıştin iyo bә lon. Tanәdә avşumә olәton, Dәәvonin diyәdә vәyon. Bandi tono dәvardәn soron, Әğılon zındәn әmә kimon. Pokә һәvoye, kavu osmon, Jıgo be çe tolışon jimon!