DARDİ BIVOT

Dardi bo avə bıvot, Qəmqin bəbe, bəbəme. Çəşonədə botınən İ-dı qlə ars ebəme. Dardi bo ovi bıvot, Əvən botı dıl okə. Iştə dardi bıvoto, Şin-şini sıxan bıkə. Dardi bo Həşi bıvot, Ekə çəşə arsi tı. Xıdo tıni bıməso, Boştı holi bısutı. Diəkə çıki dard veye, Ki detı i ğəmədəy? Iştə dardi bəy bıvot, Dardı kam bıbu qədəy. Əncəx yodo beməkə, Kiy ki dardış kəşəni. Kiy ki nohəxə koysə Dılış hiç vaxt arşiəni. Əçəy tono tı məbəm, Peşı pəşimon bəbeş. Çə nodoni çəşədə Tı ıştən nodon bəbeş. Bəsıre bəştı holi Dılı tikən qud bəbe. Bəvindeş ki, dardisə Qılən dard ziyod bəbe. Jıqoye çı dınyo ko, Çımı dust, ıme jimon. Dardi boy bəmı bıvot, Qasbu i dardədəmon?!