BISTƏN BOMI Ə KİNƏ

Siyo çəşe, siyo bəv, Sıryədə lıvdəni qəv, Noz kardedə bomı əv, Bışi çəvon kəy, inə, Bıstən bomı ə kinə! Dəbastedə bə sə şol, Dimo vəşdə siyo xol, Tıniş çəmə kədə yol, Bışi çəvon kəy, inə, Bıstən bomı ə kinə! Kom tobiyə, kom tobin, Ya kosibin, ərbobin? Çəmə xıyzoni bobin, Bışi çəvon kəy, inə, Bıstən bomı ə kinə! Bəndım kardə dılım bəy, Hanədə vindedəm əy. Xıdo bədo bəmə xəy, Bışi çəvon kəy, inə, Bıstən bomı ə kinə! Məvot bəmı hələ rəy, Anqıştemən boəy səy. Bıbə bıjən nışon bəy, Bışi çəvon kəy, inə, Bıstən bomı ə kinə!