YAD BEDƏMON

Ko çı koysə emə ve bən, Taməmonən ibəse bən. “Iştəniyon” həni ni bən, Qədə-qədə yad bedəmon. Votdən pulən rəsdəniye, Umri səydər maştə niye. Həni hejo çaşmon təye. Qədə-qədə yad bedəmon. Çənə bəbe ğıybət karde?.. Imən qıləy yolə darde. Ki bokisə mandə, marde, Qədə-qədə yad bedəmon. Çok bedəmon ta bə vaxti, Çoknə beşdə subayəti. Qındəmon çı ləyoğəti. Qədə-qədə yad bedəmon. Ələkbərim, yolon pərim, Bo dust-oşnə qardə çərim. Deştə eli baxtəvərim. Qədə-qədə yad bedəmon. Boən həni yad nıbəmon!