DINYOM RIJYƏY, JIQO BIZIN PILKƏ BE

Dusti coni ğəsti bıstən vəyşti ni, Qırəy çiçe, vindedəmon di yəndı? Şəvi-ruji təm çoçin bə, ruşti ni, Jıqo bışu, rə bəkamon pi yəndı. Ruşnə dınyo tokyə kıço ğo bimon, Dıli kitob, hiç nahandə to bimon, Çaş bə çaşi penımujyə co bimon, Nıvindmone, nıpimone si yəndı. Im əmənə bo eşği ğəv kandeku, Zıvon fol-fol ğəmi mahne handeku, Co mandeku susard bəmon yəndıku, Rast omyədə nibəznemon iyəndı. Dınyom rıjyəy, jıqo bızın pılkə be, Roy dəqijyəm, ro bomıro kılkə be, Bəxtım rəxəy ıştı dasto,çilkə be, Çiç bıvotom, jıqo barışt ni yəndı. Ki bəvote conım ıştı tono ni, Ki bəvote Veşo ıştı hano ni?, Qıno şışte, qıno baxşe, qıno ni, Qınobəqıy əve şodə ki yəndı!