BƏNƏY MI BIPİYI ƏBINİ

Çaşi tamə tıni dənınə bə dast, bə pehuyə eşğon hiç umi məbast, bənəy mı bıpiyı əvoni bə rast, bənəy mı bıpiyı əbıni tıni! Fik mədə, qırdo tı lovədəy veyni, fikşon bə siyo çaş – bəvədəy veyni, ə eşğon dılo nin, qəvədəy veyni, bənəy mı bıpiyı əbıni tıni! Ha əyşti bə bəşi beşe piyedə, hay boştə bə boğçə dəşe piyedə, ki bo boğ soxte əz kəşe piyedə?_ bənəy mı bıpiyı əbıni tıni! Cıvoniş, aşığı təpi ve bəbe, səvıliş, ətri buy bıpi ve bəbe, dıl əbə de şinə qəpi ve bəbe, bənəy mı bıpiyı əbıni tıni! Fik – fami bəştə sə qırdə bıkə boy, ım rufi pelovnə peymon, savdo coy, botıro bıjiyo to umri oxoy, bənəy mı bıpiyı əbıni tıni! Çoko bin tıləy ov təşi pidəşe, ğəhəro boyk bə con xəşi pidəşe, piyeye, ım dınyo həşi pidəşe, bənəy mı bıpiyı əbıni tıni! Navi səy əbıni _ ovəyzoxş omə, Bo umri hanəro butə, naxş omə, Çımı eşğ peyğome – ğəybo baxş omə, Bənəy mı bıpiyı əbıni tıni!