BIÇIN

Əqəm pidə dastdə vıli buş bıbu, Iştə kaştə boğədə səvıl bıçın. Əqəm pidə ıştı hardəy nuş bıbu, Iştə kaştə zəmində sımbıl bıçın. Zil əbıni ha bısuto, çulədə, Nun əbıni çı şartuki pulədə. Ta bə oxoy zu bıpiyo dılədə Iştə kaştə boğədə ləl-qıl bıçın. Bə har vindəy ıştə dıli şo məkə, De co vırəy teğon dasti xo məkə. Dılən boğçəy, bo har dıli oməkə, Dılı koncoy, okə əyo, dıl bıçın. Çiç bebəşe co zıvoni nozədə Tum bedəni zımıstoni kuzədə, Betəm məşın çe voş-vəşə pozədə, Şinı pidə Həşidə hındıl bıçın. Soltan, bardə tınən şe`rə bəxtədə, Boki diye, boki votdəş vaxtədə. Buj əbıni, vıl perəso şəxtədə. Tı boy çəmə əvəsordə vıl bıçın.